ഒന്നുമുതല്‍ നാലുവരെ...

1.

എവിടേക്കു പോയെന്നു

ചോദിക്കരുത്

കാരണം ഇരുട്ടില്‍

മിന്നാമിനുങ്ങുകള്‍ക്ക് വഴിതെറ്റാറില്ല.

2.

സാന്ത്വനം എന്നുപറയുന്നത്

ജീവിതം മടുക്കുമ്പോള്‍

നിന്‍റെ ചിരി കൊണ്ടുവരുന്ന

നിശബ്ദതയാണോ?

3.

ആ റൂട്ടില്‍ ബസില്ല

അതുകൊണ്ടുതന്നെ

രണ്ടു വറ്റ് ഒരിക്കലും

ബസുപിടിച്ചു വരില്ല.

4.

ജനാലകള്‍ തുറന്നിടരുതെന്നു

ഞാനനിയത്തിയോടു പറയാറുണ്ട്

അവളനുസരിക്കാറില്ല

അവള്‍ക്കു ജാരന്മാരെ ഇഷ്ട്ടമാണത്രേ.