Sunday, July 21, 2013

രണ്ടുവരി കവിതകള്‍




Life…
എച്ചില്‍ കൂമ്പാരങ്ങള്‍ക്കിടയില്‍
ഒരു വറ്റിനായ്‌ തപ്പുന്നവനുവേണ്ടി.

Love…
പോട്ടിപോയതെന്തോ
കൂട്ടിയോജിപ്പിക്കാന്‍ ശ്രമിക്കുന്നവനുവേണ്ടി

Like…
വഴിയിലെവിടെയോ നഷ്ട്ടപ്പെട്ട
സ്വപ്നങ്ങളെ തിരയുന്നവനുവേണ്ടി

Lust…
വിജനതയില്‍ മുറ്റിനില്‍ക്കുന്ന ഇരുളില്‍
അലിയുന്ന നിശബ്ദതക്കു വേണ്ടി

Loneliness...
ചോരവാര്‍ന്നുകൊണ്ടിരിക്കുന്ന സന്ധ്യയുടെ
സൌന്ദര്യത്തെ സ്നേഹിക്കുന്നവനുവേണ്ടി

Lost…
സമയവും ജീവസ്പന്ദനവും
നിലച്ചുപോയ ഏതോ ആത്മാവിനുവേണ്ടി.


Tuesday, July 2, 2013

പങ്കുവെക്കല്‍



കറുപ്പ് കാകന്
വെളുപ്പ്‌ കൊറ്റിക്ക്
അഴുക്ക് എനിക്ക്
നിലക്കാത്ത സമസ്യകള്‍
ഇതള്‍ വിരിയുന്ന
പൂവ് നിനക്ക്
കാലം നമുക്ക്
കാറ്റ് പങ്കിട്ടെടുക്കാം
കടലും നിലാവും
നറുക്കിട്ടെടുക്കാം
ഋതുക്കള്‍ വില്‍ക്കാം
ബാക്കിയുള്ളത് മുഴുവന്‍
ചുരുട്ടിക്കെട്ടി കത്തിക്കാം.