Tuesday, January 21, 2014

സമ്പാദ്യശീലം


പഠിക്കുന്ന കാലത്ത്
സഞ്ചയിക തന്ന ശീലമാണ്
സൂക്ഷിച്ചുവയ്ക്കുക എന്നത്.

പിന്നീട്
എനിക്ക്  കൌതുകം തോന്നിയവയൊക്കെ
ഞാന്‍ എടുത്തുവെച്ചു.

ഗാന്ധിജിയുടെ ഒരു
മൂലപോയ സ്റ്റാമ്പ്‌,
ഒരു ക്രൂശിതരൂപം,
സില്‍ക്ക് സ്മിതയുടെ ഒരു
ഫോട്ടോ,
പുസ്തകങ്ങള്‍,
പിന്നെ നിന്‍റെ പുഛ്‌ചച്ചിരി,
വഴിയില്‍ ആരോ ഇട്ടേച്ചുപോയ
കളര്‍ പോയ സ്വപ്നം.
അങ്ങിനെ പലതും.

കാലങ്ങള്‍ക്കിപ്പുറം
ഒരു ചെറുചിരിയോടെ
ഇവയോരോന്നും കയ്യിലെടുത്തു
എന്നിലെ എന്നെ
വേര്‍തിരിച്ചെടുക്കാന്‍ ശ്രമിക്കുകയാണു ഞാന്‍.